دنیا

سعودی عرب کے الاحسا کھجوروں کے باغ کا نام گینز بک میں شامل

کویت اردو نیوز 09 اکتوبر: کھجور کے درختوں کا دنیا کا سب سے بڑا باغ گینز بک میں‌ شامل کر لیا گیا۔

تفصیلات کے مطابق سعودی عرب کے وزیر ثقافت شہزادہ بدر بن عبد اللہ بن فرحان آل سعود نے اعلان کیا ہے کہ گینز بک نے الاحسا کو دنیا کے سب سے بڑے کھجوروں کے باغ کے طور پراپنے ریکارڈ میں شامل کیا ہے۔ ان کا کہنا ہے کہ سعودی عرب کی معیاری کھجور پیدا کرنے والا دنیا کا سب سے بڑا ملک بن گیا ہے۔

مائیکروبلاگنگ ویب سائٹ ‘ٹویٹر’ پر پوسٹ کردہ ایک ٹویٹ میں شہزادہ بدر بن عبداللہ نے الاحسا میں کھجوروں کے درختوں پر مشتمل تصاویر بھی پوسٹ کیں اور ساتھ ہی لکھا کہ کھجوروں کے اس تا حد نگاہ پھیلے نخلستان کوعالمی ریکارڈ قرار دیا گیا ہے۔

گنیز ورلڈ ریکارڈز کی ویب سائٹ میں بتایا گیا ہے کہ دنیا میں کھجور کا سب سے بڑا نخلستان الاحساء نخلستان ہے۔ یہ مملکت سعودی عرب کے جنوب مشرق میں واقع ہے جس میں 25 لاکھ سے زیادہ کھجور کے درخت موجود ہیں۔ اس باغ کو ملنے والی آب وہوا اور پانی نے اس کی افادیت اور بڑھا دی ہے کیونکہ یہ باغ اپنی مخصوص آب وہوا کی وجہ سے پورا سال پھل دیتا ہے۔ کجھوروں کا یہ نخلستان تقریبا 85.4 مربع کلومیٹر تک پھیلا ہوا ہے۔

مزید پڑھیں: بیرون ممالک پھنسے تارکین وطن کے لئے کویت نے مالی مدد کا اعلان کر دیا

قابل ذکر ہے کہ الاحساء کے نخلستان کو اس سے قبل اقوام متحدہ کے ادارہ برائے سائنس وثقافت میں کی فہرست میں بھی شامل کیا جا چکاہے۔ اس شہر کو لوک فنون اور دستکاریوں کی وجہ سے سنہ 2015ء کو عالمی ثقافتی ورثے کا حصہ قرار دیا گیا تھا جبکہ 2019ء کو الاحسا کو عرب دنیا کا سیاحتی دارالحکومت قرار دیا گیا۔

حوالہ
العربیہ

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

آپ اس خبر کو کاپی نہیں کرسکتے ہیں

Open

ایڈ بلاک پتہ چلا

برائے مہربانی ایڈ بلاک کو بند کریں شکریہ