کویت

کویت: مسافروں کی تعداد کم کرنے کا فیصلہ کویتی شہریوں پر لاگو نہیں ہو گا

کویت اردو نیوز 26 جنوری: سول ایوی ایشن کی جانب سے کویتی شہریوں کی سہولت کے لئے بڑا اعلان کر دیا گیا۔ کویت ایئرپورٹ پر مسافروں کی تعداد کم کرنے کے فیصلے سے کویتی شہریوں کو استثناء حاصل ہو گی۔

تفصیلات کے مطابق سول ایوی ایشن کے نئے فیصلے کے مطابق 6 فروری تک کویت آنے والوں کی تعداد محدود کردی گئی ہے تاہم انسانی ہمدردی کی بنیاد پر کویتی شہریوں کو اس فیصلے سے کسی حد تک استثناء حاصل ہے۔

ذمہ دار ذرائع نے انکشاف کیا کہ سول ایوی ایشن حکام کی جانب سے کویت بین الاقوامی ہوائی اڈے پر کام کرنے والی ایئر لائنز کو ہدایت جاری کی گئی ہے کہ کویتی شہری، ان کے اہل خانہ ، بزرگ اور بیرون ملک پھنسے ہوئے طلباء کے علاوہ کویت آنے والے تمام مسافروں کی تعداد محدود کردی جائے۔

متعلقہ مضامین

روزنامہ القبس کے مطابق خارج شدہ معاملات کا ایئر لائنز کے مطابق علیحدہ علیحدہ مطالعہ کیا جائے گا۔ طبی ضروریات کی بنیاد پر کنبے، بزرگ افراد یا کویتی طلباء جو بیرون ملک یا ٹرانزٹ اسٹیشنز پر ہیں انہیں کویت آنے کے لئے سہولیات فراہم کی جائیں۔

وزارت صحت نے کرونا وائرس کی نئی لہر کے پیش نظر شہریوں اور تارکین وطن سے غیر ضروری سفر کرنے سے اجتناب کرنے کا مطالبہ کیا ہے اور واضح کیا ہے کہ ملک میں آنے والے مسافروں کی تعداد کم کرنے کا مقصد صحت کا نظام برقرار رکھنے اور عوام کی صحت اور زندگیوں کے تحفظ کے لئے لیا گیا ہے۔

ان افراد کے بارے میں جن کی پروازیں مسافروں کی تعداد کم کرنے کے فیصلے کی وجہ سے منسوخ کردی گئیں ذرائع کا کہنا ہے کہ اس سلسلے میں سول ایوی ایشن کے حکام کی ہدایت واضح ہے جبکہ سیاحت اور ٹریول کمپنیوں کو ٹکٹ کی قیمت ادا کرنے کا پابند کیا گیا ہے۔

حوالہ
القبس
پوری خبر پڑھنے کیلئے یہاں کلک کریں شکریہ

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button