کویت اردو نیوز 19 دسمبر: کویت کی مارکیٹ میں 10 دینار کا جعلی نوٹ گردش کر رہا ہے جس کے لئے رہائشیوں کو محتاط رہنے کو کہا گیا ہے۔
روزنامہ الأنباء کی رپورٹ کے مطابق ایک سیکیورٹی ذرائع نے عوام کو خبردار کیا ہے کہ وہ خاص طور پر گروسری اسٹورز اور شاپنگ مالز میں خریداری کرتے وقت کرنسی نوٹ سے محتاط رہیں۔ دریں اثنا دھوکہ دہی اور جعل سازی کا محکمہ ان نامعلوم افراد کی نشاندہی کرنے کے لئے کام کر رہا ہے جن کے بارے میں خیال کیا جاتا ہے کہ وہ 10 دینار مالیت میں کویت کی کرنسی کو جعلی مارکیٹ میں پھیلا رہے ہیں۔ جعلی 10 دینار کا شکار ایک کویتی شہری کا کہنا ہے کہ اس رقم کو پہچاننا بہت مشکل ہے کیوں کہ کرنسی حقیقی نظر آتی ہے اور اسے صرف قریب سے جانچ پڑتال سے ہی دریافت کیا جاسکتا ہے۔
