کویت اردو نیوز 14 دسمبر: ایک رہائشی نے 3 ہزار دینار ، جو اسے اپنے ملک کے سفارت خانے کے سامنے ملے اس کے مالک کو واپس کردیئے۔
تفصیلات کے مطابق تارکین وطن نوجوان مصری شہری تامر حبیب نے اعتماد اور عظمت کی ایک مثال قائم کر دی جب اسے مصری قونصل خانے کے سامنے 3000 کویتی دینار کی رقم والا بیگ ملا اور ایک لمحے کے لئے بھی دریغ نہ کرتے ہوئے بیگ کے مالک کی تلاش شروع کر دی جب تک کہ وہ اس کے مالک تک نہ پہنچ گیا۔
“روزنامہ الرای” نے مصری شہری تامر حبیب جو کہ مصر کے منوفیا گورنریٹ (شمالی مصر) کا رہنے والا ہے سے رابطہ کیا۔ اس نے کہا کہ “جیسے ہی مجھے یہ بیگ ملا ، میں اس کے اندر تین ہزار دینار کی اتنی بھاری رقم دیکھ کر حیران رہ گیا لہذا میں نے بیگ اپنی تحویل میں لیا بھاگ گیا اور سوشل میڈیا کی ایک سائٹ پر بیگ کے اصل مالک کی تلاش اور رابطے کی غرض سے اپنے اکاؤنٹ کے ذریعے اس کا اعلان کیا اور اپنا فون نمبر بھی لکھا۔
اس نے مزید کہا کہ ” اللہ کا شکر ہے کہ بیگ کے مالک نے مجھ سے رابطہ کیا اور پتہ چلا کہ وہ ریل اسٹیٹ میں سے کسی کے لئے کرایے لینے کے لئے مندوب کی حیثیت سے کام کر رہا ہے۔ مطلوبہ شخص سے بیگ کی تفصیلات حاصل کرنے اور مکمل یقین کے بعد میں نے اس کا بیگ اس کے حوالے کردیا۔ “
نوجوان تامر حبیب نے مزید کہا کہ”میں نے صرف اپنا فرض ادا کیا ہے اور یہی میرا ضمیر مجھے حکم دیتا ہے کیونکہ سب کچھ فانی ہے اور ہمارے کاموں کے توازن میں صرف اچھے کاموں کے سوا کچھ باقی نہیں رہے گا۔ رقم کا مالک اور میں ان سب کا شکریہ ادا کرتے ہیں جنہوں نے اس میں ہماری مدد کی۔ “
