کویت

کویت: 80000 گھریلو ملازمین کی واپسی

کویت اردو نیوز 02 دسمبر: بیرون ملک ‘کویڈ 19’ کی وجہ سے فضائی سروسز بندش کے نتیجے میں پھنس جانے والے گھریلو ملازمین کو مرحلہ واپس واپس لانے کا فیصلہ کر دیا گیا ہے جس کا باقاعدہ آغاز اسی ماہ کی 07 تاریخ کو کیا جائے گا۔

تحریر جاری ہے‎

خبر رساں اداروں کے مطابق کویت 07 دسمبر بروز پیر سے تقریبا 80،000 گھریلو ملازمین کی واپسی کی تیاری کر رہا ہے۔ ان میں سے بیشتر ایسے ممالک میں پھنسے ہوئے تھے جن کے ساتھ ہی کرونا وبا کی وجہ سے پروازیں بند کردی گئیں تھیں۔

اگرچہ کویت نے تجارتی ہوا بازی کی بحالی کے پہلے مرحلے کا آغاز یکم اگست سے کیا تھا مگر رواں سال مارچ کو بند کی گئی پروازیں اب بھی ان 34 ممالک کے ساتھ عملی طور پر معطل ہیں۔ کویت کے خیال میں ان ملکوں میں کورونا کے خطرات اور اثرات اب بھی موجود ہیں۔

پچھلے مہینوں کے دوران پروازوں کی معطلی کے باعث ان ممالک کے بہت سے کارکنان کو کسی تیسرے ملک کے راستے کویت آنے کی اجازت دی گئی جہاں مسافر کویت میں داخلے کی اجازت سے پہلے کم از کم 14 دن گزارتے۔ اس سے ان مزدوروں اور ان کے لواحقین کے اہل خانہ کو بھاری اخراجات اٹھانا پڑتے تھے۔

اس تناظر میں کویت کی سول ایوی ایشن کے ترجمان سعد محمد العتیبی نے منگل کو ایک پریس کانفرنس میں کہا کہ بیرون ملک سے گھریلو ملازمین کی واپسی کے منصوبے کی کامیابی ابتدائی مرحلہ ہو گی۔

براہ راست پروازیں کویت ایئرویز اور جزیرا ایئر ویز کے ذریعہ ان ممالک کے درمیان چلائی جائیں گی جن میں گھریلو ملازمین موجود ہیں۔ پہلے مرحلے میں ہندوستان اور فلپائن شامل ہوں گے اور اس کے بعد دوسرے مرحلے کا آغاز کیا جائے گا۔

حوالہ
العربیہ اردو
پوری خبر پڑھنے کیلئے یہاں کلک کریں شکریہ

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

آپ اس خبر کو کاپی نہیں کرسکتے ہیں

ایڈ بلاک پتہ چلا

برائے مہربانی ایڈ بلاک کو بند کریں شکریہ