کویت

کویت: وزیر خارجہ ڈاکٹر احمد الناصر الصباح کی پاکستانی ہم منصب شاہ محمود قریشی سے ملاقات

کویت اردو نیوز 29 نومبر: پاکستان اور کویت نے زراعت اور تحفظ خوراک سمیت مختلف شعبوں میں تعاون کو فروغ دینے پر اتفاق کیا ہے۔

تحریر جاری ہے‎

پاکستان کے دفتر خارجہ کی جانب سے جاری اعلامیے کے مطابق نائجر میں اسلامی تعاون تنظیم (او آئی سی) کی وزرائے خارجہ کونسل کے 47ویں اجلاس کے موقع پر وزیر خارجہ مخدوم شاہ محمود قریشی نے کویت کے وزیر خارجہ ڈاکٹر احمد ناصر المحمدالصباح سے دوطرفہ ملاقات کی۔

اعلامیے میں کہا گیا کہ وزرائے خارجہ نے دوطرفہ تعلقات، کووڈ 19 کی صورتحال، مقبوضہ کشمیر پر بھارتی تسلط اور اس کے نتیجے میں پیدا ہونے والی بدتر صورتحال اور علاقائی سلامتی پر تبادلہ خیال کیا۔

وزیر خارجہ قریشی نے کہا کہ پاکستان اور کویت کے درمیان گہرے تاریخی اور برادرانہ تعلقات ہیں۔

دونوں ممالک کے وزرائے خارجہ نے زراعت اور تحفظ خوراک سمیت مختلف شعبوں میں تعاون کو فروغ دینے پر اتفاق کیا۔

علاوہ ازیں دونوں ممالک کے مابین دوطرفہ تعاون کو مزید مستحکم بنانے کے لیے مختلف سطح پر روابط کو فروغ دینے پر بھی اتفاق کیا گیا۔

وزیر خارجہ شاہ محمود قریشی نے کویت کے ساتھ پاکستان کے قریبی سیاسی تعلقات کو تیز رفتار اقتصادی شراکت داری میں تبدیل کرنے کی خواہش کا اظہار کیا۔

نائجر بنین میں کویتی سفارت خانے میں قائم کونسل چارج ڈی افیئرس کے اجلاس میں کونسلر احمد عبد الرحمن الشریم ، نائب اسسٹنٹ وزیر برائے امور خارجہ کے دفتر برائے خارجہ امور اور فرسٹ سکریٹری فیصل الجیشی نے بھی شرکت کی۔

واضح رہے کہ او آئی سی امت مسلمہ کی اجتماعی آواز ہے۔ یہ اقوام متحدہ کے بعد دوسرا سب سے بڑا بین الاقوامی ادارہ ہے۔ 57 رکن ممالک اور پانچ مبصرین کے ساتھ او آئی سی کی رکنیت چار براعظموں میں پھیلی ہوئی ہے۔

اس تنظیم نے اپنے وجود کے 50 سال پورے کرلیے ہیں۔ پاکستان او آئی سی کے بانی اراکین میں سے ایک ہے اور اس نے او آئی سی کے مقاصد اور اہداف میں فعال طور پر حصہ لیا ہے۔

حوالہ
ڈان نیوز
پوری خبر پڑھنے کیلئے یہاں کلک کریں شکریہ

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

آپ اس خبر کو کاپی نہیں کرسکتے ہیں

ایڈ بلاک پتہ چلا

برائے مہربانی ایڈ بلاک کو بند کریں شکریہ