کویت

کویت: ٹیکسی ڈرائیور اور مسافر دونوں پریشان

کویت اردو نیوز 14 اگست: کویت میں ٹیکسیوں کے کرائے آسمان کو چھونے لگے، ٹیکسی صارفین مشکلات کا شکار۔

تفصیلات کے مطابق متعدد ٹیکسی ڈرائیوروں نے مطالبہ کیا ہے کہ انہیں ایک سے زیادہ مسافروں خصوصا ایک ہی کنبہ کے افراد کو ساتھ لے جانے کی اجازت دی جائے۔ ان کا کہنا ہے کہ متعلقہ اتھارٹی کے ذریعہ جاری کردہ موجودہ ہدایات ان کی آمدنی میں رکاوٹ ہیں۔

انہوں نے مزید کہا کہ بیشتر کمپنیاں بند کر کے ملازمین کو نوکریوں سے برخاست کردیا گیا ہے اور اس کے نتیجے میں انہیں مسافروں کی تلاش میں مشکل پیش آتی ہے۔ کچھ ڈرائیوروں نے روزنامہ کو ایک معمول کے سروے کے دوران بتایا کہ کورونا بحران نے ان کی آمدنی کو شدید متاثر کیا ہے اور میٹر سسٹم سے روزی کمانا ان کے لئے مشکل ہوگیا ہے۔

دوسری طرف متعدد ٹیکسی صارفین نے زیادہ کرایہ وصول کرنے کی شکایت کی۔ ٹیکسی استعمال کرنے والوں میں سے ایک کا کہنا ہے کہ ٹیکسی ڈرائیوروں نے غیر منطقی طور پر کرایہ بڑھایا ہے جو ناجائز ہے اور اس صورتحال میں اتنا کرایہ ادا کرنا بھی مشکل ہے۔ ٹیکسی صارف نے مزید بتاتے ہوئے کہا کہ ایک ٹیکسی ڈرائیور نے مجھ سے سالمیہ فائر اسٹیشن سے فورتھ رنگ روڈ پر واقع کلینک تک جانے کے 2 دینار وصول کئے۔

یہ خبر بھی پڑھیں: 31 ممالک کی پروازیں بحال کرنے کا فیصلہ فی الحال نہ ہو سکا

جب کہ ایک ٹیکسی ڈرائیور جس نے اپنا نام مخفی رکھنے کی درخواست کی اور کہا کہ ” ٹیکسیوں کو ایک سے زیادہ مسافروں کو لے جانے کی اجازت ہونی چاہئے خاص طور پر جب اہل خانہ کی بات ہو خصوصا جب کوئی فرد اسپتال یا کلینک جاتا ہے تو اس شخص کو کسی کے ساتھ کی ضرورت ہوتی ہے۔ اس صورتحال میں خاندانوں کو مشکلات کا سامنا ہے اور ہمیں بھی معاشی حالات سے نمٹنے میں مشکل درپیش ہے۔

بھارتی انجینیرز کو لیبر اور ڈرائیور کا کام دے دیا گیا

حوالہ
عرب ٹائمز
پوری خبر پڑھنے کیلئے یہاں کلک کریں شکریہ

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

آپ اس خبر کو کاپی نہیں کرسکتے ہیں

Open

ایڈ بلاک پتہ چلا

برائے مہربانی ایڈ بلاک کو بند کریں شکریہ