کویت

جلیب الشویخ سے 10 دینار کے عوض فرار ہونے کا معاملہ سامنے آ گیا

کویت سٹی 02 جولائی: روزنامہ عرب ٹائمز کی رپورٹ کے مطابق جلیب الشویخ سے فرار ہونے کے لئے 10 دینار کے عوض جعلی ٹکٹ بنا کر علاقے سے فرار ہونے کا معاملہ سامنے آیا ہے۔

تفصیلات کے مطابق قرنطین کئے گئے علاقے جلیب الشویخ کے رہائشیوں نے علاقے سے فرار ہونے کے  لئے جعلی سفری ٹکٹ خریدنا شروع کردیئے۔ جلیب الشویخ کے رہائشی چیک پوائنٹس پر موجود سیکیورٹی اہلکاروں کو جعلی سفری ٹکٹ دکھا کر علاقے سے فرار ہوگئے۔جعلی سفری ٹکٹ (کاغذ پر چھپے ہوئے) تھے۔

وزارت داخلہ کو موصول اطلاع کے مطابق ان افراد کی گرفتاری اسوقت عمل میں آئی جب یہ ٹکٹ چیک کرنے پر پتا چلا کہ ٹکٹ اصل نہیں تھے اور یہ پرنٹ آؤٹ جلیب کے رہائشیوں کو ان کے علاقوں کی ٹریول ایجنسیوں کے ذریعہ 10 دینار فی ٹکٹ پرنٹ آؤٹ پر فروخت کئے جا رہے تھے۔

یہ خبر بھی ضرور پڑھیں: ایک طرف شاپنگ مالز اور دوسری طرف مفت کھانے کے باکس

ذرائع نے مزید بتایا کہ سیکیورٹی اہلکاروں نے یہ اطلاع ملنے کے بعد ٹریول آفس کے ساتھ پیروی کی اور ان سے ٹکٹ لینے والے افراد کی فہرست تیار کی اور کتنے لوگ ریزرویشن مکمل کر چکے ہیں یہ ریکارڈ بھی چیک کیا گیا تاکہ مفرور افرار کو گرفتار کر کے انکے خلاف قانونی کاروائی کی جا سکے۔

ان ٹریول آفسز کے ملازمین کی تفتیش کے دوران پتہ چلا کہ یہ دھوکہ دہی کا معاملہ ہے کیونکہ ان ایئر لائنز نے کبھی لاک ڈاؤن کے دوران کام کیا ہی نہیں اور ائیر لائن کی جانب سے کوئی ٹکٹ جاری نہیں کیا گیا۔

وزارت داخلہ روزانہ ان خطوں سے فرار ہونے کی درجنوں کوششوں سے نمٹتی ہے۔ حکام کی جانب سے سیکیورٹی سے کہا گیا ہے کہ وہ ان تمام غیر قانونی کاموں میں ملوث   افراد کی جانچ پڑتال کے لئے ایک سخت میکانزم نافذ کریں اور اجازت ناموں کی مزید درست اور سختی سے جانچ پڑتال کی جائے۔
حوالہ: عرب ٹائمز

پوری خبر پڑھنے کیلئے یہاں کلک کریں شکریہ

متعلقہ مضامین

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

آپ اس خبر کو کاپی نہیں کرسکتے ہیں

Open

ایڈ بلاک پتہ چلا

برائے مہربانی ایڈ بلاک کو بند کریں شکریہ