کویت سٹی 29 جون : روزنامہ عرب ٹائمز کی رپورٹ کے مطابق وزارت صحت کی جانب سے اگلے ماہ سے میڈیکل کلینکس میں پیشگی اجازت پر چیک اپ شروع کر دیا جائے گا۔
تفصیلات کے مطابق ڈائریکٹر سنٹرل ایڈمنسٹریشن برائے پرائمری ہیلتھ کیئر برائے وزارت صحت ڈاکٹر ریحاب الوطیان نے جولائی سے وزارت صحت کے صحت مراکز (کلینک) جانے کے لئے پیشگی اجازت (اپوائنٹمنٹ) بکنگ سروس شروع کرنے کا اعلان کیا کر دیا ہے۔
ایک پریس بیان میں ڈاکٹر الوطیان نے وضاحت کی ہے کہ مریض وزارت صحت کی ویب سائٹ کے لنک تک رسائی حاصل کرنے کے بعد اپنے نامزد کلینک میں ملاقات کے لئے پیشگی اجازت نامہ حاصل کرسکتا ہے جس کے بعد مریض کو ایک بارکوڈ جاری کیا جائے گا۔ مریض صحت کے مرکز کے استقبالیہ کو جاری کیا گیا بارکوڈ پیش کرے گا تاکہ استقبالیہ پر موجود اسٹاف پیشگی اجازت (اپوائنٹمنٹ) کی تصدیق کرسکے۔
دائمی بیماریوں اور ذیابیطس کے عمومی کلینک میں یہ خدمت جلد نافذ العمل ہوگی اور اس میں ملک کے تمام بنیادی صحت کی دیکھ بھال کے مراکز شامل ہوں گے۔
خصوصی صحت کے مراکز:
ڈاکٹر ریحاب الوطیان نے زور دے کر کہا کہ جلد ہی صحت مراکز میں خصوصی کلینک دوبارہ کھولنے کے لئے ہم آہنگی اور کام جاری ہے تاکہ مریضوں کی خدمت کی جاسکے اور ڈرمیٹولوجی، آنکھ، ناک، کان، گلہ، آرتھوپیڈکس اور دیگر کلینک سمیت عام اسپتالوں پر دباؤ کو دور کیا جاسکے۔
دریں اثنا الرازي اسپتال اور شیخان الفاریسی آرتھوپیڈک سنٹر نے آؤٹ پیشنٹ اپوائنٹمنٹ کی بکنگ کے لئے واٹس ایپ سروس متعارف کروائی ہے۔ اسپتال نے ایک پریس بیان میں اعلان کیا ہے کہ اس سروس کی سرگرمی وزارتی سرکلر نمبر 68 پر مبنی ہے اور اس کا مقصد صحت کی ضروریات پر عمل پیرا ہوتے ہوئے سماجی فاصلے کے اصول کی پابندی کرنے اور بھیڑ سے بچنے کے لئے آؤٹ پیشنٹ کلینک میں خدمات فراہم کرنا ہے۔
یہ خدمت اتوار تا جمعرات صبح 8:00 بجے سے 1:00 بجے تک ہوگی۔
اکثر اوقات کلینک جانے والے مریضوں کو اپنی سول شناختی (بطاقہ) کی ایک کاپی ، فائل نمبر ، معالج کا نام اور فون نمبر بھیجنا ضروری ہے جبکہ نئے مریض اپنی سول شناختی کاپی، ریفرل کی کاپی اور اپنے فون نمبر بھیجیں۔
اس کے علاوہ ابن سینا اسپتال نے اپنے تمام مراکز میں بابطین سینٹر فار برنس اینڈ پلاسٹک سرجری ، بحر آئی سنٹر ، حامد العیسی سنٹر برائے آرگن ٹرانسپلانٹیشن سمیت سرجری اور داخلی طب کے محکموں میں اپوائنٹمنٹ کے لئے بھی یہی خدمت شروع کی ہے۔ کویت سنٹر برائے ریڈیو سرجری، اسپتال میں نیورولوجی کلینک ، درد کلینک ، نفسیاتی کلینک ، پیڈیاٹرک سرجری یونٹ ، نیورو سرجری یونٹ ، یورولوجی یونٹ ، اور جنرل سرجری یونٹ میں بھی خدمت کو شروع کردیا گیا ہے۔
حوالہ: عرب ٹائمز
