کویت

رہائشی قوانین کی فیسوں میں اضافہ اور تارکین وطن کی تعداد میں کمی کا عندیہ

کویت سٹی 12 جون: روزنامہ عرب ٹائمز کی رپورٹ کے مطابق تارکین وطن کے رہائشی قوانین کی فیسوں میں اضافہ اور تارکین وطن کی تعداد قومیت کے لحاظ سے کوٹہ سسٹم کے تحت کرنے کی ڈیڈ لائن دے دی گئی ہے۔

تفصیلات کے مطابق ہیومن ریسورس ڈویلپمنٹ کمیٹی نے حکومت کو آبادکاری اور قومیتوں کے کوٹے میں عدم توازن سے نمٹنے اور تارکین وطن کے قیام کی مدت کا تعین کرنے کے حکومتی منصوبوں سے متعلق کمیٹی کو تحریری جوابات پیش کرنے کے لئے حکومت کو دو ہفتوں کا وقت دیا ہے۔

روزنامہ کے ذرائع نے انکشاف کیا ہے کہ پارلیمانی ارکان کی منگل کے روز ہونے والی میٹنگ میں حکومت غیر ملکیوں کے رہائشی قانون اور تارکین وطن کی فیسوں میں اضافے کے سلسلے میں قانون سازی میں ترمیم متعارف کروائے گی۔ اجلاس کے دوران وزارت داخلہ کے نمائندوں نے بتایا کہ اقامہ خلاف ورزی کرنے والوں کی ملک بدری میں دو ممالک نے کویت کے ساتھ تعاون نہیں کیا اور ان دونوں ممالک کے خلاف اقدامات اٹھائے جائیں گے۔

ممبر پارلیمنٹ خلیل الصالح نے بیان کیا کہ آبادیات سے متعلق اپنی رپورٹ پیش کرنے کے لئے دو ہفتوں کا وقت دیا گیا ہے۔ اقدامات کے غیر فعال ہونے کی وجہ سے تارکین وطن کی تعداد میں زیادہ اضافہ ہوا ہے جس نے ملک پر معاشی اور معاشرتی طور پر بوجھ بڑھا دیا ہے۔ الصالح نے یہ بھی کہا ہے کہ کمیٹی نے آبادیاتی امور کے معاملے اور اس سے نمٹنے کے طریقوں پر تبادلہ خیال کیا۔ انہوں نے اس طرف اشارہ کیا کہ 2014 سے پیدا ہونے والی آبادی کو تبدیل کرنے کے لئے ایک اعلیٰ قومی کمیٹی بھی موجود ہے لیکن ابھی تک کوئی منصوبہ پیش نہیں کیا گیا ہے۔

الصالح نے مزید بتایا کہ کمیٹی نے کوٹہ اور قومیتوں کے معاملے پر بھی تبادلہ خیال کیا جس سے مستقبل میں نمٹا جائے گا کیونکہ اسوقت شہریوں کی کل تعداد 14 لاکھ ہے لیکن اسکے مقابلے میں تارکین وطن 3 گنا ہیں اسطرح شہری 50 فیصد بھی نہیں ہیں لہذا کوٹہ سسٹم متعارف کروانے کے علاوہ کوئی دوسرا حل نہیں۔

حوالہ: عرب ٹائمز

پوری خبر پڑھنے کیلئے یہاں کلک کریں شکریہ

متعلقہ مضامین

2 تبصرے

  1. Sir aqama system ki kelafverzi resident kesy kar sakta hay jab ke us ke woh tu beekhtear hota update karna ya nakarna yeh tu koi kafeel hi kar sakta hay lekan saza resident ko hoti hay Wah ry insaf

  2. عرفان کریم آپ کا اردو پیج بہت ہی اعلی ہے ۔اس کا فائدہ یہ ہے کے ہر بندا اردو سمجھنے والا اس پیج سے مستفید ہو سکتا ہے ۔
    الله آپ کو مزید اچھی اور سچی خبریں شائع کرنے کی توفیق عطا فرمائے آمین ۔
    عرفان کریں وائس چیئرمین انصاری اتحاد پاکستان کویت

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

آپ اس خبر کو کاپی نہیں کرسکتے ہیں

Open

ایڈ بلاک پتہ چلا

برائے مہربانی ایڈ بلاک کو بند کریں شکریہ