کویت سٹی 26 مئی: روزنامہ عرب ٹائمز کی رپورٹ کے مطابق کویت حکومت نے کورونا وائرس کے پھیلاؤ کے دوران وائرس سے متاثر ہونے والے کارکنان جو طبی قید میں ہیں انکی رہائشی سہولیات کو مزید بہتر بنانے کا فیصلہ کیا ہے۔
گزشتہ روز کابینہ کے اجلاس کے بعد ایک آن لائن نیوز کانفرنس میں بتایا گیا کہ کابینہ نے پبلک اتھارٹی آف اسپورٹ کو تفویض کیا ہے کہ “تادمون اسپورٹ کلب” کے ہالوں کو فروانیہ اسپتال کی معاونت کے لئے فیلڈ ایمرجنسی یونٹ میں تبدیل کردیا جائے اور قرنطین ٹیم کے حوالے کردیا جائے۔
انہوں نے مزید کہا کہ کابینہ نے تمام کمپنیوں کو ہدایت کی ہے کہ وہ اپنے کارکنوں کے لئے رہائشی یونٹ مہیا کریں جو کورونا وائرس سے متاثر تھے۔ انہوں نے کہا کہ ان یونٹوں کو وزارت صحت کی ہدایات کے مطابق تمام ضروری ضروریات سے آراستہ کیا جائے۔
سرکاری ترجمان طارق المزرم نے اپنے بیان میں یہ بھی کہا کہ حکومت نے وزارت خزانہ کو تفویض کیا کہ ہوٹلوں کو قرنطین کی سہولیات کے طور پر استعمال کیا جائے اسکے علاوہ حکومت نے پبلک اتھارٹی برائے زرعی امور اور مچھلی کے وسائل کو بھی تفویض کیا کہ وہ کویت فلور ملز کمپنی کے ساتھ رابطہ قائم کرے تاکہ مویشیوں کے مالکان کو چارہ فراہم کیا جاسکے۔
اتھارٹی کو پبلک اتھارٹی فار انڈسٹری اور انوائرمنٹ پبلک اتھارٹی (ای پی اے) کے ساتھ بھی رابطہ کرنا چاہئے تاکہ زرعی زمین میں لائٹ انڈسٹری فیکٹریوں کے ممکنہ قیام کا مطالعہ کیا جاسکے ، جسے ضائع شدہ چارے کی ری سائیکلنگ کے طور پر استعمال کیا جاتا ہے۔
حوالہ: عرب ٹائمز
Yahn block1 camp number 2 Mecc mein corona case 4 log lag bhag positive honge company adan bheje thi uski baad unhe phir se equal person ki darmiyan LA kar rakh de police ku bhi pata nhi hua pata nhi kiya chakkar hai ye sub ki jaan ku khatra mein Dale hoye hai company