کویت اردو نیوز 29 مارچ: کویت سنٹرل بینک کی جانب سے عوام کو "قومی کاغذی کرنسی” احتیاط سے استعمال کرنے کی آگاہی مہم کا آغاز کیا گیا ہے۔
تفصیلات کے مطابق سنٹرل بینک آف کویت نے عوام میں قومی کاغذی کرنسی (دینار) کو احتیاط سے استعمال کرنے اور عوام میں کرنسی کے پیپر کے حوالے سے آگاہی مہم کی ضرورت پر زور دیا ہے۔
سینٹرل بینک آف کویت کے مطابق کرنسی کے صحیح استعمال کو برقرار رکھنے کی ضرورت ہے۔ قومی کرنسی کے پیپر نوٹوں پر لکھنا، نوٹوں کو پھاڑنا اور قومی کاغذی کرنسی کو اسٹیپل کرنا کرنسی کے غلط استعمال کی سب سے نمایاں شکلیں ہیں۔
سنٹرل بینک کویت نے اپنے تمام طرح کے قومی کاغذی کرنسی نوٹوں کی دیکھ بھال کی اہمیت کے بارے میں شعور اجاگر کرنے کے لئے ایک پریس بیان میں کہا کہ ” اس پر لکھنا ، اس کو اسٹپل کرنا ، اس کا کچھ حصہ پھاڑنا ، اسے جلا دینا یا چپکنے والے مادے کا استعمال کرنا دینار کے غلط استعمال کی سب سے نمایاں شکل ہے اس کے علاوہ مرکزی بینک نے تحائف کو سجانے اور شکل دینے کے لئے نوٹ کو استعمال کرنے سے روکنے یا فنکارانہ ڈیزائن اور دیگر غیر نامناسب استعمالوں میں اس کا استحصال کرنے کی بھی مزمت کی۔
سینٹرل بینک نے بیان میں واضح کہا کہ نوٹوں میں کسی بھی طرح کی تحریف کے نتیجے میں ان نوٹوں کی گردش کا خاتمہ ان کے استعمال کی مدت سے پہلے ہوجاتا ہے اور ان کو تبدیل کرنے کے لئے متبادل نوٹ کو دوبارہ شائع کرنا ضروری ہوجاتا ہے۔ ان غلط فہمیوں کی وجہ سے اے ٹی ایم میں جمع رقم کو قبول نہیں کیا جاتا ہے لہذا کویت کے سینٹرل بینک عوام سے گزارش کرتا ہے کہ وہ نوٹ بندی کے ساتھ احتیاط برتیں اور ان کی دیکھ بھال کریں اور ایسی کوئی کارروائی نہ کریں جس سے انہیں نقصان اور تخریب کاری کا خطرہ لاحق ہو۔
بینک نے یہ بھی تصدیق کی ہے کہ کرنسی، قومی شناخت کی ایک اہم علامت کی نمائندگی اور ریاست کی تاریخ اور ورثے کی عکاسی کرتی ہے لہذا ان کا تحفظ عوام کا اوالین فریضہ ہونا چاہئے۔
