کویت اردو نیوز 15 مارچ: بیچلرز کو کرائے پر رہائش دینے والے شہریوں کے خلاف قانونی کاروائی کرنے کی تجویز پیش کر دی گئی۔
تفصیلات کے مطابق رکن قومی اسمبلی اسامہ الشاہین نے کویت بلدیہ سے دسمان اور دیگر رہائشی علاقوں میں غیر ملکی بیچلرز کو اپنے مکانات کرایہ پر دینے والے شہریوں کے خلاف قانونی کارروائی کرنے کی تجویز پیش کی ہے۔
قانون دان کے مطابق علاقے میں غیر ملکی بیچلرز اور مزدوروں کی بڑھتی ہوئی تعداد کے بارے میں دسمان میں مقیم شہریوں کی طرف سے متعدد شکایات موصول ہوئی ہیں۔ انہوں نے واضح کیا کہ بیچلرز کو نجی مکانات کرایہ پر دینا قانون نمبر 125/1992 کے منافی ہے جس کے تحت رہائشی علاقوں میں مکانات صرف فیملیز کو کرائے پر دیئے جاسکتے ہیں۔
Source:
عرب ٹائمز
