کویت اردو نیوز 13 مارچ: اوریڈو” ٹیلی کام کمپنی کا بڑا اعلان۔ اوریڈو ٹیلی کام کمپنی نے اپنے صارفین کو تین ماہ تک مفت سروس فراہم کرنے کا اعلان کر دیا۔
تفصیلات کے مطابق اوریڈو ٹیلی کام کمپنی نے اپنے تمام موجودہ صارفین ، بلنگ معاہدوں کی رکنیت رکھنے والے اور نئے بلنگ معاہدہ صارفین کو "کوویڈ 19” وائرس کے خلاف ویکسین کی ایک یا دو خوراکیں وصول کی صورت میں 3 ماہ تک مفت سروس دینے کا اعلان کیا ہے۔ کمپنی کی یہ پیشکش حکومت کی حمایت اور عوام میں ویکسی نیشن کی حوصلہ افزائی اور وائرس کے پھیلاؤ کو محدود کرنے کی کوششوں میں پیش کی گئی ہے۔ اوریڈو کویت کی یہ آفر کویت کے تمام صارفین شہریوں اور رہائشیوں سمیت سب کے لئے دستیاب ہے۔
دیئے گئے اپنے ایک بیان میں کارپوریٹ مواصلات کے سینئر ڈائریکٹر "اوریڈو کویت” مجبل الایوب نے کہا کہ "میں اپنے موجودہ اور نئے صارفین کے لئے تین ماہ کی مفت پیش کش کی فراہمی کی وضاحت کرنا چاہتا ہوں۔ ہمارے تمام موجودہ اور نئے صارفین جن کے پاس بلنگ لائن کانکٹریکٹ موجود ہیں اور انہوں نے کورونا ویکسین کی ایک یا دو خوراکیں وصول کی ہوئی ہیں وہ تین ماہ تک مفت سروس کے حقدار ہیں۔ ہم اپنے تمام صارفین جنہوں نے ہماری پیشکش کی تعریف کی اور اس پر مثبت مشاہدے پیش کئے ہم ان کے شکرگزار ہیں۔ ہم اپنے صارفین کو یقین دلاتے ہیں کہ اس آفر کے لانچ کے دوران آنے پیش آنے والے کسی بھی مسئلے کو فوری طور پر حل کیا جائے گا۔”
مجبل ایوب نے مزید کہا کہ "ہمارے تمام صارفین جن کی بلنگ کی رکنیت موجود ہے ان سے درخواست کی جاتی ہے کہ وہ ویکسی نیشن کارڈ اور شناختی کارڈ ساتھ لائیں اور اس خصوصی پیش کش سے لطف اندوز ہونے کے لئے کمپنی کی قریب ترین شاخ میں جائیں۔”
اوریڈو کویت” کویت میں سرکاری حکام کی طرف سے جاری کردہ تمام ہدایات پر عمل کرنے کے لئے اپنی تمام کوششوں کی تصدیق کرتا ہے اور اس کے تعاون اور آئندہ مدت کے دوران اس سلسلے میں عمل میں لائے جانے والے طریقہ کار پر عملدرآمد کے لئے پوری تیاری کی تصدیق کرتا ہے۔
کمپنی اپنے ملازمین کی حفاظت کے لئے تمام احتیاطی تدابیر اختیار کرنے کے لئے بھی کام کر رہی ہے جو اس عرصے کے دوران موجود تمام صارفین کی خدمت کے لئے حاضر ہیں خاص کر تکنیکی معاونت کے شعبوں میں کام کرنے والے افراد کی حفاظت نہایت ضروری ہے۔
