بلڈنگ مالکان کم از کم آدھا کرایہ معاف کریں: ریئل اسٹیٹ یونین کویت

کویت سٹی 14 اپریل: روزنامہ السیاسیہ اور عرب ٹائمز کی رپورٹ کے مطابق کورونا وائرس بحران کی وجہ بلڈنگ مالکان کو کرایہ داروں سے کرایہ وصول نہ کرنے یا کرایہ میں کم سے کم نصف تک کمی کرنے کے بڑھتے ہوئے مطالبات کے درمیان ریئل اسٹیٹ یونین نے تصدیق کی کہ اگلا مرحلہ بہت اہم ہے جس میں بلڈنگ مالکان اور کرایہ داروں کے مابین یکجہتی اور تعاون کی اشد ضرورت ہے۔ایک حالیہ پریس بیان میں یونین نے تمام فریقوں سے ایک دوسرے کے حالات کو سمجھنے اور ان کے مابین منصفانہ توازن کا مطالبہ کیا۔ یونین نے ریئل اسٹیٹ مالکان پر زور دیا کہ وہ بحران سے متاثرہ کرایہ داروں کی صورتحال کو سمجھیں اور اس پر غور کریں اور کرایہ داروں سے بھی مطالبہ کیا کہ وہ ریئل اسٹیٹ مالکان کے ساتھ تعاون کریں تاکہ وہ بحران کے خاتمے تک عارضی طور پر دونوں فریقوں کے لئے ایک منصفانہ تصفیہ تک پہنچ سکیں اور کسی بھی تنازعہ کو خوش اسلوبی سے حل کرنے کی کوشش کریں۔ حکومت کویت کے مرکزی بینک (سی بی کے) اور بینکنگ سیکٹر اس بحران پر قابو پانے میں رئیل اسٹیٹ سیکٹر کی مدد کے لئے تمام اقدامات اٹھانے سے دریغ نہیں کرے گا۔یونین نے قومی معیشت کے تحفظ اور اس بحران کے اثرات کو کم کرنے کے لئے حکومت کے فیصلوں کی تعریف کی جس نے تمام معاشی شعبوں پر سایہ ڈال دیا۔انہوں نے بتایا کہ تجارتی احاطے اور خریداری مراکز کے ساتھ ساتھ جزوی کرفیو کو بند کرنے کے فیصلے سے املاک کا شعبہ یقینی طور پر متاثر ہے۔