کویت اردو نیوز 12 نومبر: آج ہونے والے وزراء کونسل کے اجلاس میں فی الحال کوئی بھی اہم فیصلہ نہیں لیا گیا۔
تفصیلات کے مطابق حکومتی ذرائع نے روزنامہ القبس کو انکشاف کیا کہ وزراء کونسل نے ملک میں داخل ہونے سے منع کرنے والے 34 ممالک کی فہرست پر پابندی ختم کرنے کے لئے آج ہونے والے اپنے اجلاس میں کوئی فیصلہ نہیں لیا اور نہ ہی کسی نئے ملک کو اس فہرست میں شامل کیا گیا ہے۔
ذرائع نے اشارہ کیا کہ ملک میں کورونا کی صورتحال پر عمل پیرا ہونے والی کمیٹی نے کالعدم ممالک سے واپس آنے والے افراد کو ملک کے اندر ہوٹلوں میں قرنطین فراہم کرنے یا ادارہ جاتی قرنطین کے لئے ایک ہفتہ تک قرنطین کے حوالے سے ابھی تک کوئی وژن پیش نہیں کیا ہے۔
ذرائع نے تصدیق کی کہ آج اجلاس میں صحت کی صورتحال اورکورنا کی پیشرفت پر کابینہ کی پیروی کا جائزہ لیا گیا۔
ذرائع نے مزید بتایا کہ بیرون ملک سے آنے والوں کے لئے قرنطین کا دورانیہ تبدیل نہیں ہوا ہے اور آئندہ اطلاع تک یہ دو ہفتے پر ہی مشتمل رہے گا۔ انہوں نے بتایا کہ اس میٹنگ میں صحت سے متعلق ضروریات کی تعمیل پر قابو پانے ، امیدواروں کی کسی بھی مجالس یا کسی خاص مواقع کی نگرانی کے لئے اور ان کے خلاف سخت ترین سزاؤں کا اطلاق کرنے کے لئے متعلقہ حکام سے ہاتھ ملانے کی ضرورت پر زور دیا گیا ہے۔
