کویت اردو نیوز 20 اکتوبر: عمان میں تارکین وطن اب مسقط کی گورنری میں کثیر المنزلہ عمارتوں میں اپارٹمنٹس خرید سکتے ہیں۔
تفصیلات کے مطابق ٹائمس آف عمان نے اتوار کے روز اطلاع دی کہ وزارت ہاؤسنگ اینڈ اربن پلاننگ نے اس سلسلے میں ایک قرارداد جاری کی ہے۔ اخبار نے قرارداد کے حوالے سے کہا کہ”غیر عمانی جن کا سلطنت میں قیام دو سال سے کم نہیں ہے وہ جائیداد خرید سکتے ہیں۔”
یہ پراپرٹی مخصوص سائٹوں میں ہوں گی اور وزارت ہاؤسنگ اینڈ اربن پلاننگ کے ذریعہ لائسنس یافتہ ہونا چاہئے۔ قرارداد میں کہا گیا ہے کہ”بیچنے والے کی طرف سے وصول کی جانے والی فیس یونٹ ویلیو کا 3 فیصد ہوگی اور اندراج کے بعد فائدہ اٹھانے والے کے لئے فیس یونٹ ویلیو کا 5 فیصد ہوگی۔”
مزید پڑھیں: عمان میں بھی ٹیکس لاگو کرنے کا حکم جاری
لیز 50 سال کی ابتدائی مدت کے لئے ہے جس کی تجدید 99 سال تک کی جاسکتی ہے۔ اس کا مقصد یہ ہے کہ ملک کی آبادی کو مدنظر رکھتے ہوئے غیر ملکیوں کو پراپرٹی خریدنے کی ترغیب دی جائے۔ قرار داد میںزید کہا گیا کہ "اس سے اس شعبے میں مسابقتی کاروباری ماحول پیدا کرنے میں بھی مدد ملتی ہے اور جائداد غیر منقولہ مارکیٹ میں نقد رقم لگائے گی۔”
