کویت اردو نیوز 30 اگست: تارکین وطن کی جگہ کویتی شہریوں کو نوکری دینے کا تخمینہ لگایا جائے گا جبکہ ملک میں غیر تعلیم یافتہ تارکین وطن کی تعداد 1500000 تک پہنچ چکی ہے۔
تفصیلات کے مطابق قومی اسمبلی میں پیش کیے جانے والے ایک سرکاری اعدادوشمار نے انکشاف کیا ہے کہ ہائی اسکول ڈپلوما رکھنے اور اس سے کم تعلیم یافتہ تارکین وطن کارکنوں کی تعداد گھریلو ملازمین کی گنتی کے علاوہ قریب 15,00,000 تک پہنچ چکی ہے جبکہ پچھلے 5 سالوں میں 200،000 مزدوروں کا اضافہ ہوا ہے۔
ابتدائی سرٹیفکیٹ رکھنے والے 114،000 کارکنوں کے مقابلے میں اوسط سرٹیفکیٹ رکھنے والے مزدوروں کی تعداد تقریبا 900،000 ہے۔ 2019 کے آخر میں یونیورسٹی کی ڈگری کے حامل تقریبا 212،000 کارکنان تھے جبکہ پوسٹ گریجویٹ ڈگری والے 12،000 کارکنان تھے۔
پارلیمانی ہیومن ریسورس کمیٹی ایک قانون کے ذریعہ قومیتوں کے لئے کوٹہ متعین کرنے کی کوشش کررہی ہے تاکہ آبادیاتی عدم توازن کو دور کیا جاسکے اور لیبر مارکیٹ میں غیر ملکیوں کی تعداد کو محدود کیا جاسکے۔
دوسری طرف حکومت اس فیصد کا تخمینہ ایک تکنیکی کمیٹی کے ذریعے اس انداز سے لگائے گی کہ سرکاری و نجی محکموں میں تارکین وطن کی جگہ کویتی شہریوں سے خدمات لینے کے دوران کوئی محکمہ متاثر نہ ہو۔
