کویت اردو نیوز 12 اگست: معمول کی زندگی میں واپسی کے چوتھے مرحلے میں تاخیر یا ترمیم متوقع۔
تفصیلات کے مطابق باخبر ذرائع کی رپورٹ کے مطابق وزراء کونسل جمعرات کے روز غیر معمولی اجلاس منعقد کرے گی۔ سرکاری ذرائع کے مطابق کونسل کورونا ایمرجنسی کمیٹی کی سفارشات پر تبادلہ خیال کرے گی جس کی صدارت نائب وزیر اعظم وزیر مملکت برائے کابینہ امور اور وزیر داخلہ انس الصالح کریں گے۔
ذرائع نے توقع کی ہے کہ وزیر صحت شیخ ڈاکٹر باسل الصباح معمول کی زندگی کی بحالی کے تیسرے مرحلے کے نفاذ کے 17 دن بعد عمل درآمد کے نتائج کے بارے میں ایک رپورٹ پیش کریں گے۔ تیسرے مرحلے کی مدت 21 دن طے کی گئی ہے تاہم تیسرا مارحلہ جاری رکھنے یا چوتھے مرحلے کے آغاز کی تاریخ کا تعین رپورٹ کے مطابق طے کیا جائے گا۔
ذرائع نے اشارہ کیا کہ کورونا وائرس کے پھیلاؤ کو روکنے کے لئے صحت سے متعلق کنٹرول اور اقدامات کے نتائج کا جائزہ لینے والی کمیٹی کے حتمی نتائج پر ہی چوتھے مرحلے کے آغاز یا تاخیر کا جائزہ لیا جائے گا۔ وزراء کونسل کو احتیاطی تدابیر صحت کی ضرورتوں کے نفاذ اور ہدایات کے نفاذ کے دوران رکاوٹوں کے بارے میں آگاہ کیا جائےگا۔
یہ خبر بھی پڑھیں: تین ماہ قید اور 5000 دینار جرمانہ گھریلو قرنطین کی خلاف ورزی کرنے پر۔
عمومی طور پر یا مخصوص سرکاری اداروں اور بیرونی فیلڈ باڈیوں جیسے کمپلیکس، بازار اور تجارتی سرگرمیوں کو جاری رکھنے کی اجازت ہے اور ان پر عملدرآمد کی سفارشات جن پر ہنگامی کمیٹی کے ذریعہ تبادلہ خیال کیا جائے گا پھر اگر ضرورت ہوگی تو سفارشات وزرا کی کونسل کو پیش کی جائیں گی جو اس کمیٹی کے نتائج اور اس فیصلے کی وسعت کے مابین رابطے کا مطالعہ کرکے چوتھے مرحلے کا آغاز کریں گے۔
