کویت سٹی 20 جولائی: وزراء کی کونسل کا اجلاس، اہم معاملے پر فیصلہ متوقع۔
روزنامہ القبس کے باخبر سرکاری ذرائع نے معمول کی زندگی میں واپسی کے منصوبے کے تیسرے مرحلے سے نمٹنے کے لئے 3 منظرناموں کا انکشاف کیا ہے جن میں سے ایک کو اپنانے کے لئے وزراء کی کونسل آج اپنے اجلاس میں غور کرے گی۔
ذرائع نے بتایا کہ پیش کی گئیں تینوں صورتحال کی تشخیص میڈیکل ٹیم اور وزیر صحت ڈاکٹر باسل الصباح کی رائے سے مشروط تھیں۔ انہوں نے مزید کہا کہ ان میں سے پہلی صورتحال حالیہ جزوی کرفیو کو برقرار رکھتے ہوئے تیسرے مرحلے میں منتقل ہونا ہے اور اسے عید کے بعد ختم کر دینا ہے۔
دوسری صورتحال میں موجودہ ترمیم کے بغیر ہی تیسرے مرحلے میں منتقلی ہے جس کا مطلب جزوی کرفیو کو ختم کرنا ہے۔
تیسری اور آخری صورتحال میں عید کے فورا بعد تیسرے مرحلے میں منتقلی کو ملتوی کیا جاسکتا ہے جس سے یہ ظاہر ہوتا ہے کہ تمام امکانات موجود ہیں اور وزارت صحت کو جو کچھ مناسب لگا وزارت کورونا انفیکشن کی شرح کو مدنظر رکھتے ہوئے فیصلہ لے سکتی ہے۔
ذرائع کے مطابق میڈیکل ٹیم نے انفیکشن کی منتقلی کے مراحل کا اندازہ متعدد صحت کے معیار کے مطابق کیا ہے ان میں سب سے اہم طبی نگہداشت میں موجود مریض و اموات کی تعداد، اسپتالوں اور ملک میں بڑھتے ہوئے انفیکشن کے معاملات ہیں۔
یہ خبر بھی ضرور پڑھیں: کویت واپس آنے کی شرائط کیا ہیں؟
ذرائع نے یہ نتیجہ اخذ کیا کہ صحت کے میدان میں ترقی یافتہ یوروپی ممالک نے اپنے ممالک میں معمول کی زندگی کا آغاز کردیا تاہم وائرس کے دوبارہ پھیل جانے کی وجہ سے انہیں دوبارہ ملک لاک ڈاؤن کرنا پڑا جبکہ کویتی صحت کے حکام اس صورتحال سے بچنے کے لئے کوشاں ہیں۔
سر فہرست تجاویز:
- تیسرے مرحلے کا آغاز 21 تاریخ کو کیا جائے۔
- تیسرا مرحلہ موجودہ پابندی کے ساتھ اپنانا جو چھٹیوں کے بعد ختم ہوجائے۔
- فیصلے کو عیدالاضحی کے بعد تک ملتوی کرنا۔
