کویت اردو نیوز 01 فروری: کویت میں رہنے والی بھارتی خاتون بگ ٹکٹ ہفتہ وار 250,000 درہم انعام جیتنے والی پہلی خاتون ہیں جو اپنے خاندان کے ساتھ دو سال سے زیادہ عرصے سے ٹکٹ خرید رہی ہے۔
خلیج ٹائمز کی رپورٹ کے مطابق کویت میں رہنے والی ایک ہندوستانی خاتون ابوظہبی میں منعقدہ بگ ٹکٹ الیکٹرانک ڈرا کے ہفتہ وار نقد انعام جیتنے والی پہلی خاتون بن گئی ہے۔ کیرالہ کی ایک اسٹاف نرس، سویتا نائر کو اپنی قسمت پر یقین نہیں آیا جب بگ ٹکٹ ڈرا کے میزبان بوچرا نے 250,000 درہم کی انعامی رقم حاصل کرنے کے بارے میں خاتون کو مطلع کرنے کے لیے فون کیا۔ سویتا نے کہا کہ "میں غیر متوقع فون کال سے حیران تھی۔ میں نے پہلے سوچا کہ میں نے 2,500 درہم جیت لیا ہے لیکن میری اس خوشی اس وقت دوگنا ہوگئی جب میزبان نے کہا کہ میں نے اس ہفتے کی 250,000 درہم انعامی رقم جیت لی ہے۔ یاد رہے کہ
سویتا اپنے خاندان کے ساتھ دو سال سے زیادہ عرصے سے ٹکٹ خرید رہی ہے۔ انہوں نے ڈرا سے ایک دن پہلے اپنا جیتنے والا ٹکٹ خریدا۔ ایک سوال کے جواب میں سویتا نے کہا کہ "میرے پاس فوری طور پر کوئی منصوبہ نہیں ہے کہ پیسہ کیسے خرچ کیا جائے۔ مجھے ہفتہ وار کیش پرائز ڈرا کے بارے میں بھی
علم نہیں تھا۔ مجھے 3 فروری کو بگ ٹکٹ کے لائیو ڈرا سے پہلے کچھ جیتنے کی امید نہیں تھی۔ ڈرا سیریز 236 کے لیے 22 ملین درہم کے عظیم فاتح کا اعلان 3 فروری جمعرات کو کیا جائے گا۔ دریں اثنا وہ تمام لوگ جنہوں نے اس ماہ ٹکٹ خریدے ہیں ہفتہ وار الیکٹرانک قرعہ اندازی میں شامل ہوں گے اور انہیں 500,000 درہم جیتنے کا موقع ملے گا نیز Big Ticket نے 3 مارچ کو 12 ملین درہم پہلے انعام کے طور پر، 1 ملین درہم کا دوسرا انعام جبکہ پانچ دیگر انعامات دینے کا اعلان کیا ہے۔
