کویت سٹی 05 جون: روزنامہ عرب ٹائمز کی رپورٹ کے مطابق کویت اگلے ہفتے جاپان سے ایویگن کوویڈ 19 دوا وصول کرے گا۔
تفصیلات کے مطابق کویت وزارت صحت نے اعلان کیا کہ کئی ممالک کی جانب سے کورونا وائرس کے علاج معالجے کے لئے کیے جانے والے کلینیکل ٹرائلز کے مثبت نتائج آنے کے بعد جاپانی دوا کی پہلی کھیپ (ایویگن) اگلے ہفتے ملک میں پہنچے گی۔
وزارت کے اسسٹنٹ انڈر سیکرٹری برائے میڈیسن اینڈ طبی آلات امور ڈاکٹر عبداللہ البدر نے "کونا” کے ذرائع کو ایک بیان دیتے ہوئے اس بات کی تصدیق کی ہے کہ دوا کی پہلی کھیپ ہنگامی ردعمل اور انسانی مقاصد کے تحت آئے گی جس کی تجارتی قیمت حکومت جاپان نہیں لے گی۔
عبداللہ البدر نے مزید کہا کہ اس دوا کا استعمال جاپان کے تیار کردہ رہنما اصول اور ورلڈ ہیلتھ آرگنائزیشن کی سفارشات اور کویت میں اس کے بعد آنے والے قواعد و ضوابط کے مطابق ہوگا۔
البدر نے وزارت صحت اور خارجہ امور کی وزارتوں اور ٹوکیو میں کویت کے سفارت خانے کے مابین تقریبا تین ماہ تک جاری رہنے والے کوآرڈینیشن کی تعریف کی کیونکہ 19 اپریل 2020 کو کویت اور جاپان کی حکومتوں کے مابین ایک معاہدہ کے علاوہ دوا کی فراہمی کے لئے کویت اور اقوام متحدہ کے دفتر میں پروجیکٹ سروس کا معاہدہ طے پایا تھا جسکے تحت کویت کو دوا کی فراہمی کے لئے 30 اپریل 2020 اور 19 مئی 2020 کی تاریخ مقرر کی گئی تھی مزید برآں توقع کی گئی ہے کہ وزارت صحت کو رواں ماہ کے دوران (Remdesivir) دوائی بھی مل جائے گی جو ان علاج میں سے ایک ہے جس کی حفاظت اور تاثیر کو عالمی ادارہ صحت اور اس کے شراکت داروں کے ذریعہ شروع کیے گئے عالمی اقدام کے تحت جانچا جائے گا۔
حوالہ: عرب ٹائمز
ان شاء اللہ اللہ بہتر کرے گا اور جلد ہی یہ وباء ختم ہو جائے گی