کویت اردو نیوز 27 نومبر: ایک اور خلیجی ریاست نے جنوبی افریقہ سمیت 07 ممالک کی پروازوں پر پابندی عائد کردی۔
تفصیلات کے مطابق سلطنت عمان نے 7 افریقی ممالک کے مسافروں کا ملک میں داخلہ معطل کر دیا ہے۔ سلطنت عمان نے کورونا وبائی امراض سے متعلق خدشات کے پیش نظر جنوبی افریقہ سمیت 7 ممالک کے مسافروں کا داخلہ معطل کرنے کا فیصلہ جاری کیا ہے۔ جن ممالک کے شہریوں کے داخلے پر پابندی عائد کی گئی ہے ان میں جنوبی افریقہ، نمیبیا، بوٹسوانا، زمبابوے، لیسوتھو، ایسواتینی اور موزمبیق شامل ہیں۔ سلطنت کی سپریم کمیٹی نے فیصلہ کیا کہ اگر کسی دوسرے ملک کے شہری بھی سلطنت میں داخل ہونے سے پہلے 14 دنوں کے دوران ان سات مذکور ممالک میں سے کسی میں سے گزرے ہوں تو
انہیں بھی ملک میں داخلے سے روک دیا جائے گا۔ سلطنت میں داخلے پر پابندی کا فیصلہ کل 28 نومبر بروز اتوار سے نافذ العمل ہوگا۔
