کویت اردو نیوز 26 اکتوبر: پاکستانیوں سے گزارش ہے کہ اسٹیڈیم میں زیادہ شور نہ کریں ورنہ نیوزی سکیورٹی بہانہ بنا کر میچ سے بھاگ جائے گا: شعیب اختر
تفصیلات کے مطابق قومی ٹیم کے سابق اسپیڈ اسٹار شعیب اختر نے نیوزی لینڈ پر طنز کرتے ہوئے پاکستانی شائقین کو آج خاموش رہنے کا مشورہ دیا ہے۔ پاکستان اور نیوزی لینڈ کی ٹیمیں اس وقت شارجہ میں ٹی ٹوئنٹی ورلڈکپ کے گروپ میچ میں آمنے سامنے ہیں۔ سیکورٹی کو بہانہ بنا کر دورہ پاکستان منسوخ کرنے کے بعد دونوں ٹیمیں آج پہلی بار آمنے سامنے ہیں جو کہ گرین شرٹس کے لیے بلیک کیپس کو مزاح چکھانے کا بہترین موقع ہے۔ شعیب اختر نے شائقین سے درخواست کی ہے کہ وہ پاک کیوی میچ میں خاموش رہ کر نیوزی لینڈ کو کسی بھی قسم کا میچ سے
بھاگنے کا موقع نہ دیں۔ اپنے سوشل میڈیا ٹوئٹر اکاؤنٹ پر شعیب اختر نے لکھا کہ اسٹیڈیم میں بہت زیاہ شور کی وجہ سے کہیں نیوزی لینڈ ٹیم سیکورٹی کو بہانہ بنا کر میدان سے چلی ہی نہ جائے۔
