کویت اردو نیوز 20 اکتوبر: تقریباً 2 سال کے لمبے عرصے کے بعد کویت میں معمولات زندگی بحال کرنے کا سرکاری طور پر اعلان کر دیا گیا۔
تفصیلات کے مطابق گورنمنٹ اطلاعات و نشریات کے سربراہ اور حکومت کے سرکاری ترجمان طارق المزم نے بیان کیا کہ کویت میں زندگی معمول پر آنے والے اقدامات پر عملدرآمد کرنے کے لیے وزراء کونسل نے ایک غیر معمولی اجلاس کا انعقاد کیا جس میں وزیر اعظم عزت مآب شیخ صباح الخالد الحمد الصباح نے احتیاط تدابیر اپناتے ہوئے معمول کی زندگی میں واپسی کا اعلان کیا کیونکہ کویت بتدریج واپسی کے منصوبے کے پانچویں مرحلے میں داخل ہو چکا ہے اور ریستورانوں کے لیے احتیاطی تدابیر کو ختم کر رہا ہے۔ وزراء کی کونسل نے اپنے اجلاس کے دوران فیصلہ کیا کہ وزارت اوقاف اور
اسلامی امور کو یہ یقینی بنانے کے لیے اقدامات کیے جائیں جس میں اس بات کو بھی یقینی بنایا جائے کہ نمازی ویکسین شدہ ہیں جبکہ مساجد میں نماز پڑھنے والے ماسک کا استعمال کریں اور نماز جمعہ کی ادائیگی کے لئے جائے نماز گھر سے لائیں۔ ماسک پہننے کا فیصلہ کھلے علاقوں میں نہیں بلکہ بند جگہوں پر ضروری ہے۔ ریستورانوں اور کیفوں میں ماسک پہننا ضروری نہیں ہے جبکہ
شادیوں اور سماجی تقریبات میں ماسک پہننا اور ویکسین شدہ افراد کو اجازت دینے کا اطلاق 24 اکتوبر بروز اتوار سے لاگو ہو گا۔ کونسل نے ڈائریکٹوریٹ جنرل آف سول ایوی ایشن کو کویت بین الاقوامی ہوائی اڈے کو اتوار سے مکمل صلاحیت کے ساتھ چلانے کے منصوبے کے تیسرے مرحلے پر عمل درآمد کے لیے تفویض کرنے کا فیصلہ کیا۔ کابینہ نے وزارت داخلہ اور پبلک اتھارٹی برائے افرادی قوت کو ہدایت کی کہ وہ کویت کے لیے ہر قسم کے ویزے دوبارہ شروع کریں جو قواعد و ضوابط کے مطابق ویکسین شدہ افراد کے لئے ہوں جیسا کہ وبائی بحران سے قبل اور کابینہ کی قرارداد نمبر (971) کے مطابق 18 اگست 2021 کو کویت ریاست میں داخل ہونے والے مسافروں پر لاگو ہونے والے قوانین کے مطابق تھا۔
