کویت اردو نیوز 29 جولائی: کویت بین الاقوامی ہوائی اڈے پر یومیہ 10 ہزار مسافروں کی گنجائش کا فیصلہ حکومتی منظوری کی منتظر ہے۔
تفصیلات کے مطابق کویت ہوائی اڈے کی گنجائش بڑھا کر یومیہ 10 ہزار مسافر کرنے کا فیصلہ حکومتی منظوری کی منتظر ہے۔ یکم اگست اتوار سے ملک میں آنے والے شہریوں اور رہائشیوں کے داخلے سے متعلق نئے سفری طریقہ کار کے حوالے سے کویت بین الاقوامی ہوائی اڈے کے ایک باخبر ذرائع نے بتایا کہ کویت ہوائی اڈے کی گنجائش ایک دن میں 10 ہزار مسافروں تک کرنے کی سفارش پیش کی گئی ہے جو زیر التواء ہے اور حکومتی منظوری کا منتظر ہے۔ ٹکٹوں کی قیمتوں میں اضافے کو روکنے کے لئے نئے سفری طریقہ کار کے آغاز کے ساتھ گنجائش میں اضافے
کے بارے میں ایک سوال کے جواب میں ذرائع نے بتایا کہ ملک پہنچنے والوں کی تعداد بڑھانے کے لئے وزراء کی کونسل کو ایک خط بھیجا گیا تھا جس میں روزانہ 5،000 سے زیادہ مسافروں کی گنجائش بڑھانے کی تجویز دی گئی تھی تاہم تعداد کی حد نہیں لکھی گئی تھی۔
انہوں نے نشاندہی کی کہ "ہوائی اڈے ابتدائی طور پر آنے والوں کی تعداد میں روزانہ کم سے کم 10،000 مسافر ہونے کی منظوری کے منتظر ہیں تاکہ ائیرپورٹ کی معمول کی حالت میں واپسی کی تیاریوں میں آہستہ آہستہ اضافہ کیا جائے اور سفری سہولیات مہیا کی جاسکیں۔
